जळगाव-लाईव्ह ट्रेंडस न्यूज प्रतिनिधी । मेहरूण नगरातील महाजन नगरातून एकाची दुचाकी अज्ञात चोरट्यांनी चोरून नेल्याची घटना समोर आली आहे. याप्रकरणी गुरूवार ४ मे रोजी रात्री १० वाजता अज्ञात चोरट्यांविरोधात एमआयडीसी पोलीस ठाण्यात गुन्हा दाखल करण्यात आला आहे.
एमआयडीसी पोलीसांनी दिलेली माहिती अशी की, गणेश सुकराम गायकवाड (वय-३२) रा. महाजन नगर, मेहरूण, जळगाव हा तरूण आपल्या परिवारासह वास्तव्याला आहे. २ मे रोजी सकाळी ७ वाजेच्या सुमारास त्याच्या घरासमोर लावलेली दुचाकी अज्ञात चोरट्यांनी चोरून नेली. हा प्रकार सकाळी १० वाजता लक्षात आला. त्याने त्याच्या दुचाकीचा सर्वत्र शोध घेतला परंतू दुचाकी कुठेही मिळाली नाही. अखेर बुधवारी ४ मे रोजी रात्री १० वाजता एमआयडीसी पोलीस ठाण्यात धाव घेवून तक्रार दिली. त्यांनी दिलेल्या तक्रारीवरून अज्ञात चोरट्यांविरोधात गुन्हा दाखल करण्यात आला आहे. पुढील तपास पोलीस नाईक किशोर पाटील करीत आहे.
