जळगाव, प्रतिनिधी । मागील काही दिवसांपासून अवैध वाळू वाहतूक संदर्भांत अधिकारी व वाळू माफियांची तक्रार करत आहे. वाळूमाफियांनी मला अनेक मार्गांनी पैसे आणि भेट देऊ केली होती. मात्र, मी ठाम राहिल्याने त्यांनी मला धमकी दिल्याने पोलीस बंदोबस्त द्यावा अशी मागणी माहिती अधिकार कार्यकर्ता दीपककुमार गुप्ता यांनी प्रसिद्धीपत्रकाद्वारे कळविले आहे.
दीपककुमार गुप्ता यांनी प्रसिद्ध केलेल्या पत्रकाचा आशय असा की, गेल्या कित्येक दिवसांपासून बेकायदेशीर वाळू वाहनाच्या संदर्भात अधिकारी आणि वाळू चोरांशी वाद होता. यामुळे अवैध कमाई करणारे अधिकारी / कर्मचारी आणि वाळू चोरी करणारे वाळूमाफिया यांच्या अडचणीत वाढ झाली आहे. अनेक मार्गांनी त्यांनी मला पैसे आणि भेट देण्याचा प्रयत्न केला. मी नकार दिल्यावर १७ जून रोजी जिल्हाधिकारी कार्यालयात मला थांबवण्याचा प्रयत्न केला आणि मी थांबलो नाही तेव्हा ते माझ्या मागे शिवाजीनगरला येऊन त्यांनी माझा मार्ग थांबवण्याची धमकी देऊन त्याची एक व्हिडिओ क्लिप देखील बनविली. यानुसार १८ जून रोजी गुप्ता यांनी पोलिस महासंचलांकडे पोलिस बंदोबस्ताची मागणी केली. त्यानंतर पुन्हा १९ जून रोजी गुप्ता यांच्या ओळखीच्या अनीस पांडे यांनी गुप्ता यांना फोन करून विठ्ठल पाटील यांनी फोन करून मला पुन्हा धमकावल्याचे सांगितले. यामुळे या प्रकरणाचे गांभीर्य समजून घेण्यासाठी व स्वतःच्या सुरक्षिततेसाठी १९ जून रोजी जळगाव शहर पोलिस ठाण्यात एफआयआर दाखल केला. गुप्ता यांनी पत्रकात पुढे म्हटले आहे की, त्यानंतर स्वत: ला या प्रकरणात फसताना पाहून वाळू चोर विठ्ठल पाटील यांनी सोशल मीडियाच्या माध्यमातून गुप्ता यांच्यावर खंडणी मागण्यासाठी खोटी एफआयआर केल्याची बाब १९ जून तारखेला समजली आहे. दाखल केलेल्या एफआयआरमध्ये, वाळू माफियाने केलेल्या आरोपांवर प्रतिक्रिया व्हायरल व्हिडिओ क्लिपच्याच ५.२५ ते ५.५० च्या दरम्यान आहे. मोगली नावाची व्यक्ती “दीपक भाऊ तू पापी मनुष्य आहेस, आम्ही तुला काही सांगू शकत नाही.” २ नंबर हा व्यवसाय नाही “आणि स्वतः विचित्र विठ्ठल पाटील” तुम्ही चांगले काम करता “असे म्हणत आहेत. दरम्यान, गुप्ता यांनी कळविले आहे की, सोशल मीडियातून माझ्यावर दाखल झालेल्या फौजदारी गुन्ह्याबद्दल मला माहिती मिळाली आहे. त्याबाबत अद्याप कोणत्याही अधिकृत शासकीय विभागाने माझ्याशी कोणताही संपर्क साधलेला नाही नसल्याचे म्हटले आहे.
