सोलापूर (प्रतिनिधी) तिरुपती बालाजीच्या दर्शनाला निघालेल्या भक्तांच्या वाहनाला तेलंगणात झालेल्या भीषण अपघातात तीन जण ठार झाले आहेत. तर तिघांची प्रकृती गंभीर आहे. दोन बालकांसह पाच जण किरकोळ जखमी आहेत.
तेलंगणातील वनपरती जिल्ह्यातील कोत्ताकोटाजवळ रविवारी संध्याकाळी हा अपघात झाला. अपघातात 25 वर्षीय सपना राजू कुनी, 50 वर्षीय शारदा कुनी, 45 वर्षीय दत्तात्रय धुळम या तिघांना प्राण गमवावे लागले आहेत. कृष्णाहरी कुनी, यल्लप्पा कुनी, शैलेश धुळम, श्रेयस धुळम, कृष्णा कुनी, राजू कुनी, भक्ती कुनी हे सात जण अपघातात जखमी आहेत.
