पारोळा, प्रतिनिधी । शहरात वि. का. सोसा,पारोळा संचालक प्रविण गोटूनाना बडगुजर व मा.सभापती तथा नगरसेविका जयश्री प्रविण बडगुजर यांच्या मार्फत फुट ऑपरेटेड सॅनिटायझर डिस्पेंसर मशीन देण्यात आली.
लोकनियुक्त नगराध्यक्ष करण पाटील यांच्या वाढदिवसाचे औचित्य साधुन पारोळा तहसील कार्यालय आणि पारोळा नगरपरिषद कार्यालय या ठिकाणी फुट ऑपरेटेड सॅनिटाइजर डिस्पेंसर मशीन देण्यात आले. कोरोना रोगाचा वैश्विक महामारीच्या पार्श्वभूमीवर पारोळा तहसील कार्यालय आणि पारोळा नगरपरिषद कार्यालयात येणाऱ्या प्रत्येक नागरिकची काळजी म्हणून आज प्रविण गोटूनाना बडगुजर व जयश्री प्रविण बडगुजर यांच्यावतीने फुट ऑपरेटेड सॅनिटायझर डिस्पेंसर मशीन देण्यात आले. यावेळी तहसीलदार अनिल गावंदे,मुख्याधिकारी विजयकुमार मुंडे,तलाठी निशिकांत माने ,नगरसेवक भैय्या चौधरी,अमोल चौधरी, डॉ.कुणाल पाटील, प्रितम कासार, भूषण दहीवाल आदी उपस्थित होते.
