पाचोरा-लाईव्ह ट्रेंडस न्यूज प्रतिनिधी । पाचोरा तालुक्यातील सामनेर येथे मागील भांडणाच्या कारणावरून एकाला डोक्यावर काठीने मारहाण करून गंभीर दुखापत केल्याची घटना समोर आली आहे. याप्रकरणी पाचोरा पोलीस ठाण्यात एकावर गुन्हा दाखल करण्यात आला आहे.
पाचोरा पोलिसांनी दिलेली माहिती अशी की, आबा सुदाम पाटील (वय-३८) रा. सामनेर ता.पाचोरा जि. जळगाव हे १० नोव्हेंबर रोजी रात्री १० वाजता त्यांच्या घरासमोर अंगणात खाटीवर झोपलेले असताना गावात राहणारा भगवान उत्तम भिल याने मागील भांडण्याचे कारणावरून त्यांच्या डोक्यात काठीने वार करून जखमी केले. यामध्ये आबा पाटील यांना गंभीर दुखापत झाली. त्यांना खाजगी रुग्णालयात उपचारार्थ दाखल करण्यात आले आहे. या संदर्भात आबा पाटील यांच्या जबाबदावरून संशयित आरोपी भगवान उत्तम भील याच्या विरोधात पाचोरा पोलीस ठाण्यात गुन्हा दाखल करण्यात आला आहे. या घटनेचा पुढील तपास पोहेकॉ दिलीप वाघमोडे करीत आहे.
