जळगाव – लाईव्ह ट्रेंडस न्यूज प्रतिनिधी । जळगाव जिल्ह्यात आज नव्याने १८ कोरोना बाधित रूग्ण आढळून आले असून १२ रुग्ण बरे होऊन घरी परतले आहेत. सध्या जिल्ह्यात १०५ कोरोना बाधित रूग्ण विविध रूग्णालयात उपचार घेत आहे. अशी माहिती जिल्हा शल्य चिकित्सक डॉ. किरण पाटील यांनी कळविले आहे.
जळगाव जिल्ह्यात गेल्या चोवीस तासात जळगाव जिल्ह्यात नव्याने १८ कोरोना बाधित रूग्ण आढळून आले आहे. यात जळगाव शहर ७, जळगाव ग्रामीण १, भडगाव तालुका १ आणि चोपडा तालुक्यातून २ , यावल ७ , असे एकुण १८ रूग्ण आढळून आले आहे.
जिल्ह्यात आतापर्यंत १ लाख ५१ हजार ७१८ कोरोना रूग्ण आढळून आले आहे. त्यापैकी १ लाख ४९ हजार २१ रूग्ण बरे होवून घरी परतले आहे. सध्या जिल्ह्यात १०५ रूग्ण विविध कोवीड रूग्णालयात उपचार घेत आहे. अशी माहिती जिल्हा शल्यचिकित्सक डॉ. किरण पाटील यांनी प्रसिध्दपत्रकान्वये कळविले आहे.
