जळगाव प्रतिनिधी । जिल्हा रुग्णालयाने पाठविलेल्या कोरोना अहवालानुसार आज दिवसभरात एकही कोरोनाबाधित रुग्ण आढळला नसून दोन बाधित रुग्ण बरे झाले असल्याची माहिती जिल्हा शल्यचिकित्सक डॉ. एन.एस.चव्हाण यांनी प्रसिध्दीपत्रकान्वये कळविले आहे.
जळगाव जिल्हा कोवीड रूग्णालयात कडून आज प्राप्त झालेल्या अहवालात जिल्ह्यात दिवसभरात एकही कोरोना बाधित रूग्ण आढळला नसून दोन रुग्ण बरे झाले आहेत. जिल्ह्यात आजपर्यंत १ लाख ४२ हजार ७७५ बाधित रूग्ण आढळून आले आहे. आतापर्यंत १ लाख ४० हजार १८३ रूग्ण बरे होवून घरी परतले आहे. तर १५ रूग्ण उपचार घेत आहे. आतापर्यंत जिल्ह्यात २ हजार ५७७ रूग्णांचा कोरोना उपचारादरम्यान मृत्यू झाला आहे अशी माहिती जिल्हा शल्यचिकित्सक डॉ. एन.एस.चव्हाण यांनी दिली आहे.
