जळगाव तालुक्यातील कुसुंबा येथे दुकान फोडून कुलर आणि गॅस हंडी चोरून नेल्याची घटना घडली आहे. या संदर्भात शुक्रवार १४ एप्रिल रोजी दुपारी २ वाजता एमआयडीसी पोलीस ठाण्यात गुन्हा दाखल करण्यात आला आहे.
एमआयडीसी पोलिसांनी दिलेली माहिती अशी की, विशाल भागवत ढवळे (वय-२९) रा. आयोध्या नगर जळगाव यांचे कुसुंबा शिवारात हॉटेल शिवशाही हॉटेलजवळ कुलर फॅक्टरीचे दुकान आहे. या ठिकाणी शुक्रवार १४ एप्रिल रोजी रात्री १२ ते सकाळी ७ वाजेच्या सुमारास अज्ञात चोरट्याने कुलरचे दुकान फोडून ४ कुलर आणि गॅस अंडी असा एकूण १५ हजार ५०० रुपये किमतीचा मुद्देमाल चोरून नेल्याची घटना समोर आली आहे. या संदर्भात शुक्रवार १४ एप्रिल रोजी दुपारी २ वाजता एमआयडीसी पोलीस ठाण्यात गुन्हा दाखल करण्यात आला आहे. पुढील तपास पोहेकॉ रामकृष्ण पाटील करीत आहे.
