जळगाव, प्रतिनिधी । के.सी.ई. सोसाइटी संचालित ओरियन सीबीएसई इंग्लिश मीडियम स्कूल आज दिनांक 8 मंगळवार रोजी महाराष्ट्र शासनाच्या शाळा सुरू करण्याच्या आदेशानुसार सर्व अटी व नियमांचे पालन करून सुरू करण्यात आली .
नियमांचे काटेकोर पालन करून शाळेचे निर्जंतुकीकरण करण्यात आले होते तसेच विद्यार्थी बैठक व्यवस्था देखिल नियमानुसार करण्यात आलेली होती. आज इयत्ता नववी व दहावीच्या विद्यार्थ्यांची उपस्थिती होती. उपस्थित विद्यार्थ्यांन कडून पालकांचे संमती पत्र भरुन घेण्यात आलेले आहेत. शाळा नियमानुसार सुरू करण्यासाठी शाळेच्या प्राचार्य सुषमा कंची यांच्या मार्गदर्शनाखाली इतर कर्मचारी यांनी कामकाज पहिले.
