जळगाव, प्रतिनिधी ।येथील कवयित्री बहिणाबाई चौधरी उत्तर महाराष्ट्र विद्यापीठातील उमवि शिक्षकेतर कर्मचारी
व अधिकारी संघटनेच्या दि.१५ डिसेंबर रोजी झालेल्या व्दार सभेमध्ये विद्यमान कार्यकारिणी बरखास्त करून शरद पाटील यांच्या अध्यक्षतेखाली नवीन कार्यकारणी गठीत करण्यात आली आहे.
याबाबतचे सविस्तर वृत्त असे की, दिनांक १५ डिसेंबर रोजी कवयित्री बहिणाबाई चौधरी उत्तर महाराष्ट्र विद्यापीठाच्या मुख्य ईमारतीच्या गेटवर उमवि शिक्षकेतर कर्मचारी व अधिकारी संघटनेची व्दारसभा आयोजित करण्यात आली होती. या सभेत महासंघाचे अध्यक्ष रमेश डोंगर शिंदे यांना संघटनेच्या पदाधिकाऱ्यांनी कर्मचाऱ्यांच्या मागण्यासाठी पाठपुराव्याबाबत जाब विचारला असता ते समाधानकारक उत्तर देऊ शकले नाहीत. त्यामुळे कर्मचा-्यांच्या तिव्र भावना व रोष लक्षात घेता घटक संघटनेचे अध्यक्ष राजू रतन सोनवणे यांनी यावेळी संघटनेची विद्यमान कार्यकारिणी बरखास्त करण्यात येत असल्याचे जाहीर केले आहे. त्याचबरोबर यापुढे कबचौउमवितील कर्मचारी यांना ७वा वेतन आयोग लागू करणे, वित्त विभागाने निर्गमित केलेल्या शासन निर्णयानुसार सुधारित आश्यासित प्रगती योजना लागू करणेसह इतर सर्व मागण्यांसाठी वरिष्ठ
सहाय्यक शरद पंडीतराव पाटील यांच्या अध्यक्षतेखाली खालीलप्रमाणे स्वतंत्र कृति समिती गठित करण्यात आली आहे.
नवीन कार्यकारणीत शरद पंडीतराव पाटील , अनिल शालिग्राम पाटील , सुरेश दंगलराव चव्हाण, जयश्री शिंगारे, अमृत एस.दाभाडे, संजय पांडुरंग सपकाळे, रविंद्र लक्ष्मण फडके, महेश लक्ष्मण पाटील, गोकुळ युवराज पाटील, भिमराव वेडू तायडे, सुरेखा राजेंद्र पाटील, राजेंद्र मुरलीधर पाटील, राजेंद्र दगडू पाटील, विलास रतन बाविस्कर, दुर्योधन बायुराव साळुंखे, शिवाजी नामदेव पाटील, भैय्यासाहेब हिंमतराय पाटील, जगदीश एन. सुरळकर , वैशाली मनोज वराडे, अजमल मंधोर जाधव
, सुनिल उत्तम निकमयांचा समावेश आहे.
