जळगाव लाईव्ह ट्रेंडस न्यूज प्रतिनिधी । जळगाव शहरातील पिंप्राळा भागात राहणाऱ्या एका तरूणाने विषारी औषध घेतल्याने उपचारादरम्यान १८ डिसेंबर रोजी दुपारी ५ वाजता मृत्यू झाला. याप्रकरणी सायंकाळी ८ वाजता रामानंदनगर पोलीस ठाण्यात अकस्मात मृत्यूची नोंद करण्यात आली. विनोद अमृत सोनवणे (वय ४०, रा. पिंप्राळा) असे मयत झालेल्या तरूणाचे नाव आहे.
जळगाव शहरातील पिंप्राळा परिसरात विनोद सोनवणे हे वास्तव्यास होते. १७ डिसेंबर रोजी त्यांनी काहीतरी विषारी औषध प्राशन केले. त्यांना अस्वस्थ वाटू लागल्याने त्यांच्या नातेवाईकांनी त्यांना तात्काळ जिल्हा शासकीय वैद्यकीय महाविद्यालय व रुग्णालयात दाखल केले. याठिकाणी वैद्यकीय अधिकाऱ्यांनी तपासणी करीत विनोद सोनवणे यांना मयत घोषीत केले. याप्रकरणी रामानंद नगर पोलीस ठाण्यात अकस्मात मृत्यूची नोंद करण्यात आली आहे.
