जळगाव-लाईव्ह ट्रेंडस न्यूज प्रतिनिधी । जळगाव शहरातील नवीपेठ येथील पंजाब नॅशनल बँकेच्या बाहेर महिलेजवळील १२ हजार २०० रूपयांची रोकड अज्ञात चोरट्यांनी चोरून नेल्याची घटना मंगळवार २५ मार्च रोजी दुपारी १२.३० वाजता समोर आली आहे. याप्रकरणी दुपारी साडेचार वाजता जळगाव शहर पोलीस ठाण्यात अज्ञात चोरट्यांविरोधात गुन्हा दाखल करण्यात आला आहे.
सुनिता साहेबराव सोनवणे वय ३३ रा. पिंप्राळा, जळगाव या महिला आपल्या कुटुंबियांसह वास्तव्याला आहे. मंगळवारी २५ मार्च रोजी दुपारी १२.३० वाजता त्या जळगाव शहरातील नवीपेठ येथील पंजाब नॅशनल बँकेजवळ असलेल्या होत्या. त्यावेळी अज्ञात चोरट्यांनी त्यांच्याजवळील १२ हजार २०० रूपयांची रोकड हातचालाखी करून चोरून नेले. हा प्रकार लक्षात आल्यानंतर त्यांनी सर्वत्र माहिती घेतली परंतू कोणती माहिती मिळाली नाही. अखेर त्यांनी जळगाव शहर पोलीस ठाण्यात धाव घेवून तक्रार दिली. त्यानुसार दुपारी साडेचार वाजता जळगाव शहर पोलीस ठाण्यात अज्ञात चोरट्यांविरोधात गुन्हा दाखल करण्यात आला आहे. पुढील तपास पोहेकॉ किशोन निकुंभ हे करीत आहे.
