जळगाव-लाईव्ह ट्रेंडस न्यूज प्रतिनिधी । जळगाव शहरातील एका भागात राहणाऱ्या एका महिलेला अश्लिल शिवीगाळ करत पती आणि सासू यांना मारहाण करून त्यांचा विनयभंग केल्याची घटना शुक्रवारी २२ नोव्हेंबर रोजी सायंकाळी ७ वाजता समोर आली आहे. याप्रकरणी मंगळवारी २६ नोव्हेंबर रोजी रात्री ११ वाजता जिल्हापेठ पोलीस ठाण्यात तीन जणांविरोधात गुन्हा दाखल करण्यात आला.
अधिक माहिती अशी की, जळगाव शहरातील एका भागात ४९ वर्षीय महिला ह्या आपले पती आणि सासू यांच्यासोबत वास्तव्याला आहेत. त्यांच्या घराच्या शेजारी राहणारे सुमन देवगीर गोसावी, देवगीर सामगीर गोसावी आणि ओम सुनिल गिरी तिन्ही रा, प्रेमनगर, जळगाव यांनी शुक्रवारी २२ नोव्हेंबर रोजी सायंकाळी ७ वाजता काहीही कारण नसतांना महिलेला शिवीगाळ करत त्यांचे पती आणि सासू यांना मारहाण केली. तर देवगीर गोसावी आणि ओम गिरी या दोघांनी महिलेला अश्लिल हातवारे करत विनयभंग केला.
हा प्रकार समोर घडल्यानंतर महिलेने जिल्हापेठ पोलीस ठाण्यात धाव घेवून तक्रार दिली. त्यांनी दिलेल्या तक्रारीवरून मंगळवारी २६ नोव्हेंबर रोजी रात्री ११ वाजता संशयित आरोपी सुमन देवगीर गोसावी, देवगीर सामगीर गोसावी आणि ओम सुनिल गिरी तिन्ही रा, प्रेमनगर, जळगाव यांच्या विरोधात गुन्हा दाखल करण्यात आला. पुढील तपास पोलीस नाईक संतोष सोनवणे हे करीत आहे.
