मुंबई-लाईव्ह ट्रेंडस न्यूज वृत्तसेवा | ज्येष्ठ अभिनेते शिवाजी साटम यांना चित्रपती व्ही. शांताराम जीवनगौरव पुरस्कार 2023 पुरस्कार प्रदान करण्यात येणार आहे. तर ज्येष्ठ अभिनेत्री आशा पारेख यांना स्व. राज कपूर जीवनगौरव पुरस्कार २०२३ जाहीर करण्यात आला आहे.
या बरोबरच चित्रपती व्ही. शांताराम विशेष योगदान पुरस्कार २०२३ हा लेखक, दिग्दर्शक तसेच अभिनेता दिग्पाल लांजेकर यांना आणि स्व. राज कपूर विशेष योगदान पुरस्कार 2023, ज्येष्ठ लेखक, दिग्दर्शक संकलक एन. चंद्रा यांना जाहीर करण्यात आला आहे.
मंत्री सुधीर मुनगंटीवार यांनी या पुरस्कारांची घोषणा केली. या या सर्व पुरस्कार प्राप्त कलाकारांचे अभिनंदन करत मंत्री सुधीर मुनगंटीवार यांनी सर्वांना शुभेच्छा दिल्या आहेत. तसेच राज्याचा सांस्कृतिक गौरव आपण सतत उंचावत राहावा आणि आई भवानीने तुम्हा सर्वांना उत्तम आरोग्य व उदंड यश द्यावे अशा शुभेच्छा देखील मुनगंटीवार यांनी दिल्या आहेत. या विषयीची माहिती सुधीर मुनगंटीवार यांनी एका पोस्टच्या माध्यमातून दिली आहे.
