अमळनेर-लाईव्ह ट्रेंडस न्यूज प्रतिनिधी । अमळनेर तालुक्यातील भरवस फाट्याजवळ भरधाव वेगाने येणाऱ्या ट्रॅक्टरने दिलेल्या धडकेत दुचाकीवरील दोनजण गंभीर जखमी झाल्याची घटना ४ जून रोजी दुपारी १२ वाजता घडली होती. याप्रकरणी चौकशी अंती अखेर गुरूवार १३ जून रोजी सायंकाळी ७ वाजता मारवड पोलीस ठाण्यात ट्रॅक्टर चालक बापू साहेबराव पाटील रा. लोण सीम ता. अमळनेर याच्यावर गुन्हा दाखल करण्यात आला आहे.
मारवड पोलीसांनी दिलेली माहिती अशी की, रोहित दिलबर भिल वय २० रा. लोणसिम ता. अमळनेर हा तरूण आपल्या परिवारासह वास्तव्याला आहे. ४ जून रोजी दुपारी १२ वाजता रोहित हा त्याचे चुलत मामा शरद सुनिल भिल रा. थाळनेर ता.जि.धुळे यांच्या सोबत दुचाकीने येत असतांना अमळनेर तालुक्यातील भरवस फाट्याजवळ भरधाव वेगाने येणारे ट्रॅक्टर क्रमांक एमएच १८ झेड ३८९२ ने दुचाकी जोरदार धडक दिली. या अपघातात दुचाकीवरील रोहित भिल आणि त्याचे चुलत मामा शरद भिल हे दोघे जखमी झाले. दोघांना तातडीने अमळनेर ग्रामीण रूग्णालयात उपचारार्थ दाखल करण्यात आले. याप्रकरणी चौकशी अंती गुरूवारी १३ जून रोजी सायंकाळी ७ वाजता मारवड पोलीस ठाण्यात तक्रार देण्यात आली. त्यानुसार ट्रॅक्टर चालक बापू साहेबराव पाटील रा. लोण सीम ता. अमळनेर याच्यावर गुन्हा दाखल करण्यात आला आहे. पुढील तपास सपोनि शितलकुमार नाईक हे करीत आहे.
