जळगाव लाईव्ह ट्रेंडस न्यूज प्रतिनिधी । जळगाव शहरातील निमखेडी येथे दारूच्या नशेत येवून तरूणाच्या आईला व मुलाला शिवीगाळ करत मारहाण केल्याची घटना मंगळवारी २ डिसेंबर रोजी रात्री १०.३० वाजता घडली. याबाबत बुधवारी ३ डिसेंबर रोजी मध्यरात्री १२.३० वाजता जळगाव तालुका पोलीस ठाण्यात एकावर गुन्हा दाखल करण्यात आला आहे.
याबाबत अधिक माहिती अशी की, जळगाव तालुक्यातील निमखेडी परिसरात कृष्णा प्रकाश बाविस्कर वय ४० हे आपल्या आई व मुलगा हिमांशु यांच्यासोबत वास्तव्याला आहे. दरम्यान त्यांचा भाऊ गजानन प्रकाश बाविस्कर हा मंगळवारी २ डिसेंबर रोजी रात्री १०.३० वाजता दारूच्या नशेत येवून कृष्णा बाविस्कर यांची आई व मुलगा हिमांशू बाविस्कर यांना काहीही कारण नसतांना शिवीगाळ करत माहरण केली. आणि जीवेठार मारण्याची धमकी दिली. याप्रकरणी कृष्ण बाविस्कर यांनी जळगाव तालुका पोलीस ठाण्यात धाव घेवून तक्रार दिली. त्यानुसार पोलीस ठाण्यात संशयित आरोपी गजानन प्रकाश बाविस्कर रा. निमखेडी याच्या विरोधात गुन्हा दाखल करण्यात आला आहे. पुढील तपास पोहेकॉ गुलाब माळी हे करीत आहे.
