अमळनेर लाईव्ह ट्रेंडस न्यूज प्रतिनिधी । अमळनेर तालुक्यातील शिरसाळे गावात सामुहिक भिंतीवर टिव्हीचा सेटअपबॉक्स लावण्याच्या कारणावरून कुटुंबातील तीन जणांना शिवीगाळ करत दारूच्या नशेत लाकडी काठी आणि लोखंडी रॉडने बेदम मारहाण करून गंभीर जखमी केल्याची घटना बुधवारी १५ जानेवारी रोजी सकाळी ११ वाजता घडली आहे. याप्रकरणी सायंकाळी ६ वाजता मारवड पोलीस ठाण्यात तीन जणांविरोधात गुन्हा दाखल करण्यात आला.
अमळने तालुक्यातील शिरसाळे गावात आबा कौतीक महाले वय ४५ हे आपल्या परिवारासह वास्तव्याला आहे. बुधवारी १५ जानेवारी रोजी ते त्यांच्या घराच्या सामुहिक भिंतीवर टिव्हीचा सेटअपबॉक्स लावत असतांना आवाज आला. या कारणावरून शेजारी राहणारे सुभाष एकनाथ महाले, रितेश सुभाष महाले आणि मंगला सुभाष महाले या तिघांनी आबा कौतीक महाले यांच्यासह त्यांची आई व मुलगा यांना लोखंडी रॉड आणि लाकडी काठीने बेदम मारहाण करून जखमी केले. याप्रकरणी आबा महाले यांनी मारवड पोलीस ठाण्यात धाव घेवून तक्रार दिली. त्यावरून सायंकाळी ६ वाजता मारहाण करणारे सुभाष एकनाथ महाले, रितेश सुभाष महाले आणि मंगला सुभाष महाले यांच्या विरोधात गुन्हा दाखल करण्यात आला आहे. पुढील तपास पोहेकॉ विनोद माळी हे करीत आहे.
