बसने कारला धडक दिल्याने तीन ठार; दोन वर्षीय बालक गंभीर जखमी

नाशिक-लाईव्ह ट्रेंडस न्यूज वृत्तसेवा | नांदगाव-छत्रपती संभाजीनगर मार्गावरील गंगाधरी येथे भीषण अपघात झाला आहे. मनमाड आगाराच्या बसने मारूती कारला धडक दिल्याने कारमधील तीन जणांचा जागीच मृत्यू झाला आहे, तर दोन वर्षीय बालक गंभीर जखमी झाले आहे. ही बस चाळीसगावाहून मनमाडकडे येत होती.
बस चालकाच्या ओव्हरटेक करण्याच्या नादात हा अपघात झाल्याचे प्रवाशांचे म्हणणे आहे. बसने कारला समोरून जोरदार धडक दिल्याने भीषण अपघात घडला. मृतांमध्ये दोन महिला व एका पुरूषांचा समावेश आहे. तर दोन वर्षांचे बालक गंभीर जखमी झाले आहे. घटनेची माहिती मिळताच पोलीस घटनास्थळी दाखल झाले आहे.