पारोळा-लाईव्ह ट्रेंडस न्यूज प्रतिनिधी । पारोळा शहरातील गणेश भोजनालय समोर भरधाव वेगाने येणाऱ्या कारने दुचाकीला जोरदार धडक दिल्याने दुचाकीस्वारचा जागीच मृत्यू झाल्याची घटना सोमवारी ४ नोव्हेंबर रोजी रात्री १० वाजता घडली आहे. प्रशांत राजकुमार नागदेव वय ३४ रा. पारोळा असे मयत झालेल्या दुचाकीस्वाराचे नाव आहे.
अधिक माहिती अशी की, पारोळा येथील लक्ष्मी मोबाईलचे संचालक राजकुमार नागदेव यांचे लहान चिरंजीव प्रशांत (गोलु) नागदेव हा सोमवारी ४ नोव्हेंबर रोजी रात्री १० च्या सुमारास महामार्गावरून दुचाकी क्रमांक (एम एच १९ डि डब्ल्यू ८२७४) ने घरी जात असताना शहरातील गणेश भोजनालय समोर मागुन येणाऱ्या कार क्रं (एमएच ५४ बी ०६७२) हिने जोरदार धडक दिल्याने त्यांचा जागीच मृत्यू झाला. याबाबत पारोळा पोलीस स्टेशनला त्याचे मोठे बंधू सन्नी नागदेव यांनी दिलेल्या फिर्यादीवरून कार चालक (नाव गाव माहित नाही) याचा विरोधात पारोळा पोलीस ठाण्यात गुन्हा दाखल करण्यात आला. अपघात घडल्यानंतर कारचालक आपघाता नंतर आपली गाडी तिथेच सोडून फरार झाला आहे.
