भुसावळ-लाईव्ह ट्रेंडस न्यूज प्रतिनिधी । भुसावळ शहरातील हॉटेल ममता जवळ पार्कींगला लावलेली दुचाकी अज्ञात चोरट्यांनी चोरून नेल्याची घटना बुधवारी १९ जून रोजी सकाळी १० वाजता उघडकीला आले आहे. याप्रकरणी शनिवारी २२ जून रोजी रात्री ९ वाजता भुसावळ शहर पोलीस ठाण्यात अज्ञात चोरट्यांविरोधात गुन्हा दाखल करण्यात आला आहे.
याबाबत अधिक असे की, शेख हमीद शेख भिकन वय २३ रा. गौसीया नगर, सिनेमा घर भुसावळ हा तरूण आपल्या परिवारासह वास्तव्याला आहे. बुधवारी १९ जून रोजी रात्री ९ वाजता भुसावळ शहरातील हॉटेल ममता जवळ कामाच्या निमित्ताने दुचाकी एमएच १९ डीएन ११२९ ने आलेले होते. त्यावेळी त्यांनी दुचाकी हॉटेल जवळ पार्कींगला लावलेली होती. ही दुचाकी अज्ञात चोरट्यांनी चोरून नेली. त्यांनी दुचाकीचा सर्वत्र शोध घेतला परंतू दुचाकी मिळून आली नाही. अखेर शनिवारी २२ जन रोजी रात्री ९ वाजता त्यांनी भुसावळ शहर पोलीस ठाण्यात धाव घेवून तक्रार दिली. त्यांनी दिलेल्या तक्रारीवरून अज्ञात चोरट्यांविरोधात पोलीसात गुन्हा दाखल करण्यात आला आहे. पुढील तपास पोलीस नाईक रजाक खान हे करीत आहे.
