सावदा-लाईव्ह ट्रेंडस न्यूज प्रतिनिधी । सावदा शहरातील खॉजा नगरातील गोट्यात निर्दयतेने बांधून ठेवलेल्या सहा गायींची सुटका करण्यात आली असून याप्रकरणी सावदा पोलीस ठाण्यात चार जणांविरोधात गुन्हा दाखल करण्यात आला आहे. या कारवाईमुळे परिसरात खळबळ उडाली आहे.
अधिक माहिती अशी की, रावेर तालुक्यातील सावदा शहरातील खॉजा नगर परिसरामध्ये एका पत्राच्या गोडाऊनमध्ये निर्दयतेने ६ गायींना बांधून ठेवल्याची गोपनीय माहिती सावदा पोलिसांना मिळाली. त्यानुसार पोलिसांनी मंगळवारी ३ डिसेंबर रोजी सायंकाळी ६ वाजता धडक कारवाई करत ६ गायींची सुटका करण्यात आली आहे. या ठिकाणी त्यांना चारापाणीची कोणतीही व्यवस्था न केल्याचे दिसून आले. दरम्यान याप्रकरणी पोलीस कॉन्स्टेबल मयूर साहेबराव पाटील यांनी दिलेल्या फिर्यादीवरून संशयित आरोपी शेख रसूल शेख चांद कुरेशी वय-40, शेख जग्गा शेख पिरु कुरेशी, शाहबाज जमील कुरेशी आणि साहिल जमील कुरेशी सर्व राहणार ख्वाजा नगर सावदा ता. रावेर या चार जणांविरोधात रात्री उशिरा सावदा पोलीस ठाण्यात गुन्हा दाखल करण्यात आला आहे या घटनेबाबत पुढील तपास पोलीस कॉन्स्टेबल उमेश पाटील हे करीत आहे.
