मुबई-वृत्तसेवा | महाराष्ट्राचे उपमुख्यमंत्री अजित पवार यांच्या आकस्मिक निधनाने राज्याच्या राजकारणात मोठी रिकामी जागा निर्माण झाली होती. आता त्या रिकामपणातून बाहेर पडण्यासाठी आणि काँग्रेसचे नेतृत्व सांभाळण्यासाठी राष्ट्रवादी काँग्रेसकडून महत्त्वाचा निर्णय घेतला गेला आहे. सध्या उपलब्ध माहिती नुसार, सुनेत्रा पवार उपमुख्यमंत्रीपद स्वीकारण्यास तयार असल्याचे मान्यतेनं समोर आलं आहे.
पक्षाकडून होत असलेल्या आग्रहानंतर सुनेत्रा पवार आता उपमुख्यमंत्रिपद स्वीकरण्यास तयार असल्याची माहिती समोर आली आहे. अजित पवारांच्या जाहिरातीचे काम पाहणाऱ्या डिझाईन बॉक्स कंपनीचे प्रमुख नरेश अरोरा आणि राष्ट्रवादीच्या वरिष्ठ नेत्यांशी चर्चा केल्यानंतर त्यांनी हा निर्णय घेतल्याची माहिती आहे. शनिवारी, राष्ट्रवादीच्या विधीमंडळाच्या गटनेतेपदी निवड होणार आहे. सुनेत्रा पवार यांची त्या पदावर निवड होणार आहे.
राष्ट्रवादी काँग्रेस पक्षाने शनिवारी होणाऱ्या विधीमंडळातील आमदारांच्या बैठकीत सुनेत्रा पवार यांची गटनेतेपदी निवड करणार असल्याचे ठरवले आहे. यामुळे त्यांना उपमुख्यमंत्रीपदासाठी अधिक सामर्थ्य प्राप्त होणार आहे.
अजित पवार यांच्या अंत्यसंस्कारानंतर सुनेत्रा पवार आणि पक्षातील इतर वरिष्ठ नेत्यांनी व्हिडिओ कॉन्फरन्सिंगद्वारे चर्चा करून पुढील रणनीती ठरवली. या चर्चेनंतर सुनेत्रा पवार यांनी निर्णय स्वीकारण्यास सकारात्मक भूमिका घेतली, अशी माहिती प्राप्त झाली आहे.
पक्षाने निर्णय मुख्यमंत्री देवेंद्र फडणवीस यांना दिला असून, शनिवारीच सुनेत्रा पवार यांची उपमुख्यमंत्रिपदाची शपथविधी घडविण्याची शक्यता असल्याचे सांगितले जात आहे.
