जळगाव -लाईव्ह ट्रेंड्स न्यूज प्रतिनिधी। जळगाव शहरातील एका भागात राहणाऱ्या ४२ वर्षीय महिलेला अश्लील शिवीगाळ करत परिसरात बदनामी केल्याचा धक्कादायक प्रकार शनिवारी ४ जानेवारी रोजी सायंकाळी ६.३० वाजता घडली आहे. याप्रकरणी रविवारी ५ जानेवारी रोजी मध्यरात्री १२.३० वाजता जळगाव शहर पोलीस ठाण्यात एकावर गुन्हा दाखल करण्यात आला आहे.
यासंदर्भात अधिक माहिती अशी की, जळगाव शहरातील एका भागात ४२ वर्षीय महिलाही आपल्या कुटुंबासह वास्तव्याला आहेत. याच परिसरात राहणारा संशयित आरोपी गजानन विलास बाविस्कर याने शनिवारी ४ जानेवारी रोजी सायंकाळी ६.३० वाजता पीडित महिलेला अश्लील शिवीगाळ करत जीवेठार मारण्याची धमकी देत परिसरात बदनामी केली. दरम्यान ही घटना घडल्यानंतर पीडित महिलेने जळगाव शहर पोलीस ठाण्यात धाव घेऊन तक्रार दिली आहे. त्यानुसार रविवारी ५ जानेवारी रोजी मध्यरात्री १२.३० वाजता संशयित आरोपी गजानन विलास बाविस्कर रा. जळगाव यांच्या विरोधात जळगाव शहर पोलीस ठाण्यात गुन्हा दाखल करण्यात आला आहे. पुढील तपास पहिला महिला पोलीस नाईक अश्विनी इंगळे ह्या करीत आहेत.
