मुंबई-लाईव्ह ट्रेंडस न्यूज वृत्तसेवा | महाराष्ट्र राज्य माध्यमिक व उच्च माध्यमिक शिक्षण मंडळाने आगामी दहावी आणि बारावीच्या परीक्षा पारदर्शकपणे आणि निष्पक्षपणे घेतल्या जाण्यासाठी महत्त्वाचा निर्णय घेतला आहे. राज्यभरातील परीक्षा केंद्रांवर शाळेचे विद्यार्थ्यांचे शिक्षक व कर्मचारी ताटातूट करण्याचे आदेश शिक्षण मंडळाने दिले आहेत. याअंतर्गत, ज्या परीक्षा केंद्रांवर त्या शाळेचे विद्यार्थी उपस्थित असतील, त्या केंद्रांवर त्या शाळेचे शिक्षक व कर्मचारी नेमले जाणार नाहीत. याऐवजी, इतर शाळांमधील शिक्षक, केंद्र संचालक आणि पर्यवेक्षकांना त्या केंद्रावर नियुक्त करण्यात येईल.
दहावी आणि बारावीच्या परीक्षा २०२५ च्या फेब्रुवारी आणि मार्च महिन्यात आयोजित होणार असून, ३१ लाख विद्यार्थी या परीक्षेत सहभागी होणार आहेत. विद्यार्थ्यांच्या परीक्षेसाठी विविध उपाययोजना राबविण्याच्या दृष्टीने राज्यातील नऊ विभागीय मंडळे विविध उपक्रम राबवित आहेत. त्यामध्ये ‘कॉपीमुक्त अभियान’ महत्त्वाची भूमिका बजावत आहे. महाराष्ट्र राज्य माध्यमिक व उच्च माध्यमिक शिक्षण मंडळाने आगामी परीक्षांच्या पार्श्वभूमीवर जनजागृती सप्ताह आयोजित केला आहे. २० ते २६ जानेवारी २०२५ या कालावधीत ‘कॉपीमुक्त अभियान’ राबविण्यात येणार आहे. यामध्ये सर्व माध्यमिक व उच्च माध्यमिक शाळांना सूचित करण्यात आले आहे, आणि विद्यार्थ्यांना आणि पालकांना या अभियानाची महत्त्वाची माहिती देण्यात येईल.
परीक्षेच्या पारदर्शकतेसाठी अधिक कठोर उपाययोजना घेण्यात येत आहेत. परीक्षा केंद्रांच्या आत बाहेर कोणतेही गैरमार्ग अवलंबले जाणार नाहीत याबाबत विद्यार्थ्यांना, पालकांना, आणि शिक्षकांना सतत जागरूक करण्यात येईल. तसेच, संबंधित परीक्षा केंद्रांवर विविध उपाययोजना राबवून, केंद्र प्रमुख, उपकेंद्र प्रमुख यांची तपासणी देखील केली जाईल. परीक्षेच्या दरम्यान, प्रशासनाने योग्य त्या नियोजनानुसार, पोलीस अधिनियम ३७ (१) (३) वापरण्याचा निर्णय घेतला आहे. यामुळे परीक्षा केंद्रांवर होणाऱ्या बाहय उपद्रवांना आळा घालण्यात मदत होईल. तसेच, प्रत्येक तालुक्यात भरारी पथकाची नियुक्ती केली जाईल, ज्यामध्ये महिलाही असतील. याप्रकारे, राज्य शिक्षण मंडळाच्या या उपाययोजना विद्यार्थ्यांच्या भविष्यासाठी आणि परीक्षेच्या पारदर्शकतेसाठी महत्त्वपूर्ण ठरतील.
