यावल-लाईव्ह ट्रेंडस न्यूज प्रतिनिधी | महाराष्ट्र राज्यात नुकत्याच संपलेल्या विधानसभाच्या सार्वत्रीक निवडणुकीत भारतीय जनता पक्ष ,शिवसेना शिंदे गट, राष्ट्रवादी काँग्रेस पक्ष यांच्यासह घटक मित्रपक्षांच्या महायुतीला राज्यात दणदणीत यश मिळुन देणारे भारतीय जनता पक्षाचे नवनियुक्ती गटनेते देवेन्द्र फडणवीस यांच्या हस्ते महायुतीच्या विजयी झालेले आमदार यांचे स्वागत सत्कार करण्यात आले.
याप्रसंगी नवनिर्वाचित रावेर विधानसभा मतदार संघाचे आमदार अमोल हरिभाऊ जावळे यांचे स्वागत सत्कार करतांना देवेन्द्र फडणवीस, जामनेर विधानसभा मतदारसंघातुन सातव्यांदा मोठया मताधिक्याने विजयी झालेले पक्षाचे संकटमोचन आमदार व माजी मंत्री गिरीश महाजन, चाळीसगाव मतदारसंघातुन विजयी झालेले आमदार मंगेश चव्हाण, जळगाव शहरी भागातील आमदार राजुमामा भोळे, भुसावळ आमदार संजय सावकारे यांच्यासह राज्यातील भारतीय जनता पक्षाचे सर्व नवनिर्वाचित आमदार यांचे देखील या प्रसंगी स्वागत सत्कार करण्यात आले.
