मुंबई, लाईव्ह ट्रेंड्स न्यूज वृत्तसेवा । राजधानी मुंबईतील आरए स्टुडिओ प्रकरणात धक्कादायक घडामोड समोर आली आहे. १७ मुलांना ओलीस ठेवल्याचा आरोपी रोहित आर्य याचा एक व्हिडिओ आता सोशल मीडियावर व्हायरल झाला असून त्यात त्याने स्वतःहून कबुली दिल्याचे दिसून आले आहे. या व्हिडिओमध्ये आर्य आत्महत्येऐवजी ही योजना राबवल्याचे आणि त्यामागील स्वतःचे कारण स्पष्ट करताना दिसतो.
व्हिडिओमध्ये रोहित आर्य म्हणतो, “मी, रोहित आर्य, आत्महत्या करण्याऐवजी एक योजना आखली आणि काही मुलांना ओलीस ठेवले. माझ्याकडे जास्त मागण्या नाहीत. त्या खूप साध्या आहेत. माझ्या मागण्या नैतिक आणि नैतिक आहेत. मला काही प्रश्न विचारायचे आहेत. जर माझ्या प्रश्नांना काही उलट प्रश्न असतील तर मी त्यांना विचारेन. मला दुसरे काहीही नको आहे. मी दहशतवादी नाही. मला सामान्य संभाषण करायचे आहे, म्हणूनच मी मुलांना ओलीस ठेवले आहे.”
पुढे तो म्हणतो, “मी योजनेचा भाग म्हणून मुलांना ओलीस ठेवले होते. जर मी वाचलो तर मी ते करेन; अन्यथा, कोणीतरी करेल. जर त्यांना इजा झाली नाही तर ते या मुलांसोबत असेल. तुमच्याकडून झालेली थोडीशी चूक मला त्रास देऊ शकते. मी एकटा नाही, माझ्यासोबत इतरही आहेत. मी संभाषणाद्वारे उपाय सांगेन. मला त्रास देऊ नका.”
या व्हिडिओमुळे प्रकरणात नवा कलाटणीचा सूर दिसत आहे. आधीच मुलांना ओलीस ठेवल्याच्या घटनेने संपूर्ण मुंबई हादरली होती, आणि आता आरोपीच्या या व्हिडिओमुळे त्याच्या मानसिकतेबद्दल आणि हेतूंबद्दल अनेक प्रश्न निर्माण झाले आहेत. पोलिसांनी या व्हिडिओची सत्यता पडताळण्यासाठी चौकशी सुरू केली आहे.
घटनेनंतर मुलांची सुखरूप सुटका करण्यात आली असली तरी या प्रकरणाने शहरातील ऑडिशन आणि फिल्म प्रॉडक्शन क्षेत्रातील सुरक्षेच्या बाबतीत गंभीर प्रश्न निर्माण केले आहेत. आरोपीने या कृतीद्वारे स्वतःच्या मागण्यांकडे सरकार आणि समाजाचे लक्ष वेधण्याचा प्रयत्न केला असल्याचे संकेतही पोलिस सूत्रांकडून मिळाले आहेत.
