भुसावळ प्रतिनिधी । तीन दिवसांपासून बेपत्ता झालेल्या महिलेचा मृतदेह आज आढळून आल्याने खळबळ उडाली आहे.
याबाबत माहिती अशी की, सरलाबाई अशोक भंडारकर (रा. ६०, भुसावळ) ही महिला घरातून तीन दिवसांपासून बेपत्ता झालेली होती. यामुळे शहर पोलीस स्थानकात मिसींगचा गुन्हा दाखल करण्यात आला होता. दरम्यान, आज सायंकाळी झेडटीसीजवळच्या गेट क्रमांक जवळच्या बाजूला या महिलेचा मृतदेह आढळून आला असून तिची अत्यंत निर्दयपणे हत्या झाल्याचे प्रथमदर्शनी आढळून आले आहे. याबाबत शहर पोलीस स्थानकात गुन्हा नोंदविण्याचे काम सुरू होते. दरम्यान, अप्पर पोलीस अधिक्षक लोहित मतानी, डीवायएसपी गजानन राठोड, पोलीस निरिक्षक बाळासाहेब ठुबे आदी अधिकार्यांनी घटनास्थळाची पाहणी केली.
