जळगाव लाईव्ह ट्रेंडस न्यूज प्रतिनिधी । जळगाव शहरातील वाघ नगर परिसरातील एका भागात राहणाऱ्या ५९ वर्षीय महिलेला मोबाईलवर संपर्क साधून त्यांना अश्लिल शिवीगाळ करत मनास लज्जा उत्पन्न होईल असे कृत्य करत विनयभंग केल्याची घटन गुरूवार १४ नोव्हेंबर रोजी दुपारी १२.३० वाजता घडली आहे. याप्रकरणी सायंकाळी ५ वाजता जळगाव शहर पोलीस ठाण्यात एकावर गुन्हा दाखल करण्यात आला.
पोलीस सुत्रांनी दिलेली माहिती अशी की, जळगाव शहरातील वाघ नगर परिसरातील एका भागात ५९ वर्षीय महिला ही आपल्या कुटुंबासह वास्तव्याला आहे. गुरूवारी १४ नोव्हेंबर रोजी दुपारी १२.३० वाजता त्यांच्या मोबाईलवर संशयित आरोपी पियुष कुमुट रा. वाघ नगर, जळगाव याने संपर्क करून त्यांना अश्लिल भाषेत शिवीगाळ करून त्यांच्या मनात लज्जा उत्पन्न होईल असे कृत्य करत त्यांचा विनयभंग केला. दरम्यान, हा प्रकार घडल्यानंतर त्यांनी जळगाव शहर पोलीस ठाण्यात धाव घेवून तक्रार दिली. त्यांनी दिलेल्या तक्रारीवरून संशयित आरोपी आरोपी पियुष कुमुट रा. वाघ नगर, जळगाव याच्या विरोधात गुन्हा दाखल करण्यात आला. पुढील तपास पोहेकॉ अश्विनी इंगळे हे करीत आहे.
