जळगाव-लाईव्ह ट्रेंडस न्यूज प्रतिनिधी । जळगाव शहरातील एका भागात राहणाऱ्या १६ वर्षीय अल्पवयीन मुलीला अज्ञात व्यक्तीने आमिष दाखवत फूस लावून पळवून नेल्याची घटना शनिवारी २२ मार्च रोजी दुपारी ४.३० वाजता घडली आहे. या संदर्भात रविवारी २३ मार्च रोजी दुपारी १२ वाजता रामानंदनगर पोलीस ठाण्यात अज्ञात व्यक्ती विरोधात अपहरणाचा गुन्हा दाखल करण्यात आला आहे.
पोलीस सूत्राने दिलेल्या माहितीनुसार, जळगाव शहरातील एका भागात १६ वर्षीय अल्पवयीन मुलगी ही आपल्या कुटुंबीयांसह वास्तव्याला आहे. दरम्यान शनिवारी २२ मार्च रोजी दुपारी ४.३० वाजेच्या सुमारास या अल्पवयीन मुलीला अज्ञात व्यक्तीने काहीतरी आमिष दाखवत फूस लावून पळवून नेले आहे. ही घटना नातेवाईकांच्या लक्षात आल्यानंतर त्यांनी त्यांच्या सर्वत्र शोध घेतला, परंतु पीडित मुली संदर्भात कोणतीही माहिती मिळाली नाही. अखेर तिच्या नातेवाईकांनी रामानंदनगर पोलीस ठाण्यात अज्ञात व्यक्तीने अपहरण केल्यासंदर्भात तक्रार दिली आहे. त्यानुसार रविवारी २३ मार्च रोजी दुपारी १२ वाजता रामानंदनगर पोलीस ठाण्यात अज्ञात व्यक्ती विरोधात अपहरणाचा गुन्हा दाखल करण्यात आला आहे. या घटनेबाबत पुढील तपास सहाय्यक पोलीस निरीक्षक संदीप वाघ करीत आहे.
