जळगाव लाईव्ह ट्रेंडस न्यूज प्रतिनिधी । जळगाव शहरापासून जवळ असलेल्या एका महाविद्यालयात होस्टेलजवळ राहणारी १६ वर्षीय अल्पवयीन मुलीला अज्ञात व्यक्तीने फूस लावून पळवून नेल्याची घटना शनिवारी १६ ऑगस्ट रोजी दुपारी ३ वाजता समोर आली आहे. याप्रकरणी रात्री ९ वाजता एमआयडीसी पोलीस ठाण्यात बेपत्ता झाल्याची नोंद करण्यात आली आहे.
याबाबत अधिक माहिती अशी की, जळगाव शहरपासून जवळ असलेल्या एका महाविद्यालयाच्या होस्टेलजवळ १६ वर्षीय अल्पवयीन मुलगी ही आपल्या कुटुंबियांसह वास्तव्याला आहे. शनिवारी १६ ऑगस्ट रोजी दुपारी ३ वाजेच्या सुमारास पिडीत मुलगी ही घरी एकटी असतांना अज्ञात व्यक्तीने तिला काहितरी फूस लावून पळवून नेले. हा प्रकार नातेवाईकांच्या लक्षात आल्यानंतर त्यांनी पिडीत मुलीचा सर्वत्र शोध घेतला परंतू कोणतीही माहिती मिळाली नाही. अखेर तिच्या पालकांनी एमआयडीसी पोलीस ठाण्यात धाव घेवून तक्रार दिली. त्यानुसार अज्ञात व्यक्तीविरोधात अपहरणाचा गुन्हा दाखल करण्यात आला आहे. पुढील तपास सहाय्यक पोलीस निरीक्षक गणेश वाघ हे करीत आहे
