जळगाव-लाईव्ह ट्रेंडस न्यूज प्रतिनिधी । जळगाव शहरातील मासुमवाडी भागात भरधाव वेगाने येणाऱ्या वाहनाने जोरदार धडक दिल्याने पायी जात असलेल्या मायलेक गंभीर दुखापत झाल्याची घटना मंगळवारी ८ ऑक्टोबर रोजी दुपारी ४ वाजता घडली आहे. याप्रकरणी गुरूवार १० ऑक्टोबर रोजी सायंकाळी साडेसहा वाजता एमआयडीसी पोलीस ठाण्यात एकावर गुन्हा दाखल करण्यात आला.
याबाबत अधिक माहिती अशी की, जळगाव शहरातील गेंदालाल मिल परिसरात मेहमुदाबी आरीफ खान वय ४२ या महिला आपल्या परिवारासह वास्तव्याला आहेत. मंगळवारी ८ ऑक्टोबर रोजी दुपारी ४ वाजेच्या सुमारास महिला ही आपली मुलगी फरीन ही घेवून मासुमवाडी येथून पायी जात असतांना भरधाव वेगाने येणाऱ्या एका चारचाकी वाहनाने जोरदार धडक दिली. या धडकेत मायलेकी ह्या जखमी झाल्या आहेत. त्यांना तातडीने शासकीय वैद्यकीय महाविद्यालयात उपचारार्थ दाखल करण्यात आले आहे. याप्रकरणी मेहमुद शेख ईस्माईल रा.अडावद ता.चोपडा याच्या विरोधात एमआयडीसी पोलीस ठाण्यात गुन्हा दाखल करण्यात आला आहे. पुढील तपास पोहेकॉ ईश्वर लोखंडे हे करीत आहे.
