जळगाव–लाईव्ह ट्रेंड्स न्यूज प्रतिनिधी । शहरातील आकाशवाणी चौकात असलेल्या महादेव हॉस्पिटलमध्ये कार्यरत असलेल्या अत्याधुनिक आपत्कालीन कक्षामुळे अपघातग्रस्त तसेच इतर इमर्जन्सी रुग्णांना वेळेवर उपचार मिळून अनेकांचे प्राण वाचविण्यात वैद्यकीय पथकांना यश आले आहे. शहरासह राष्ट्रीय महामार्गावर घडणाऱ्या अपघातांमध्ये तातडीच्या उपचारांची गरज भासणाऱ्या रुग्णांसाठी हे रुग्णालय जीवनरक्षक ठरत आहे.
शहराच्या मध्यवर्ती आणि वाहतुकीच्या दृष्टीने महत्त्वाच्या आकाशवाणी चौकात असलेल्या महादेव हॉस्पिटलमध्ये अपघातातील जखमी रुग्णांसाठी आवश्यक अस्थिरोग, शल्यचिकित्सा, मेडिसिन, कान-नाक-घसा तसेच नेत्ररोग विभागाच्या सेवा २४ तास उपलब्ध आहेत. त्यामुळे गंभीर अवस्थेतील रुग्णांना प्राथमिक उपचारांसह पुढील तज्ज्ञ उपचार त्वरित मिळू शकतात. या रुग्णालयात सुपरस्पेशालिटी न्यूरॉलॉजी, सुपरस्पेशालिटी कार्डिओलॉजी आणि युरॉलॉजी विभागातील नामांकित तज्ज्ञ डॉक्टर देखील २४ तास सेवेत असल्याने मेंदू, हृदय व मूत्रविकाराशी संबंधित गंभीर रुग्णांसाठी वेळेवर उपचार शक्य होत आहेत. अत्याधुनिक वैद्यकीय साधनसामग्री आणि प्रशिक्षित वैद्यकीय कर्मचारी यामुळे आपत्कालीन परिस्थितीत रुग्णांना तातडीचा दिलासा मिळत आहे.
मागील एका महिन्यातच १७५ पेक्षा अधिक रुग्णांना महादेव हॉस्पिटलच्या आपत्कालीन विभागात विविध तज्ज्ञ विभागांच्या वैद्यकीय पथकांनी तात्काळ उपचार दिले. यामध्ये अनेक गंभीर रुग्णांचा समावेश असून, वेळेवर उपचार मिळाल्यामुळे त्यांचे प्राण वाचविण्यात डॉक्टरांना यश आले आहे. या घटनांमुळे रुग्णालयाच्या आपत्कालीन सेवेवरील विश्वास अधिक दृढ झाला आहे. कोणतीही आपत्कालीन घटना घडल्यास नागरिकांनी सर्व सुविधांनी युक्त अशा महादेव हॉस्पिटल, आकाशवाणी चौक येथे त्वरित उपचारासाठी यावे, असे आवाहन रुग्णालय प्रशासनातर्फे करण्यात आले आहे.
