बोदवड-लाईव्ह ट्रेंडस न्यूज प्रतिनिधी | बोदवड येथे “न्याय आपल्या दारी” या संकल्पनेनुसार जिल्हा विधी सेवा प्राधिकरण व बोदवड तालुका विधी सेवा प्राधिकरण यांच्या संयुक्त विद्यमानाने फिरते विधी सेवा केंद्र व लोकअदालत शिबीर आयोजित करण्यात आले. गांधी चौक, पोलिस स्टेशन परिसर व नडगाव रेल्वे स्थानक येथे हे शिबिरे भरवण्यात आले.
या कार्यक्रमांतर्गत फिरते मोबाईल व्हॅन न्यायालयाच्या माध्यमातून पक्षकारांच्या विविध प्रकरणांचा तातडीने निपटारा करण्यात आला. एकूण २४ प्रकरणे तडजोडीसाठी ठेवण्यात आली होती. न्याय प्रक्रियेचा लाभ घेत समाधान व्यक्त करणाऱ्या नागरिकांची उपस्थिती लक्षणीय होती.
कार्यक्रमाच्या अध्यक्षस्थानी न्यायधीश मा. क्यू.ए.एन. सरवरी होते. प्रमुख मार्गदर्शक म्हणून ॲड. अर्जुन टी. पाटील यांनी बोलताना सांगितले की, “लोकअदालत ही जलद व मोफत न्यायाची प्रभावी यंत्रणा आहे. गरजू नागरिकांनी याचा पुरेपूर लाभ घ्यावा.” त्यांनी महिलांचे, बालकांचे व ज्येष्ठ नागरिकांचे हक्क याबाबतही माहिती दिली. यावेळी व्यासपीठावर बोदवड तालुका वकील संघाचे अध्यक्ष ॲड. के. एस. इंगळे, ॲड. अर्जुन टी. पाटील, पंच म्हणून उपस्थित होते.
कार्यक्रम यशस्वी करण्यासाठी ॲड. धनराज सी. प्रजापती, ॲड. किशोर ए. महाजन, ॲड. मीनल अग्रवाल, सरकारी वकील डी.बी. वळवी, ॲड. किशोर्सिंग एस. राजपूत यांनी विशेष प्रयत्न केले. तसेच न्यायालयीन अधिक्षक वैभव तरटे, विधी प्राधिकरण समन्वयक अविनाश राठोड, प्रशांतकुमार बेदरकार, स्टेनो राहुल साबळे यांनी कार्यक्रम व्यवस्थापनात मोलाचा सहभाग दिला. पोलिस निरीक्षक अरविंद भोळे, सह निरीक्षक सुजीत पाटील, पो.कॉ. आर.डी. महाजन यांनी बंदोबस्ताची जबाबदारी सक्षमपणे पार पाडली. बोदवड तालुका वकील संघ, न्यायालयीन कर्मचारी वर्ग व बेलिफ यांनी कार्यक्रमाची यशस्वी अंमलबजावणी सुनिश्चित केली.
