जळगाव लाईव्ह ट्रेंडस न्यूज प्रतिनिधी । महाराष्ट्र राज्य मराठी पत्रकार संघाच्या वतीने मान्यवरांच्याहस्ते महाराष्ट्र टाईम्स ऑनलाईनचे जिल्हा प्रतिनिधी पत्रकार निलेश पाटील यांना दर्पणकार पुरस्काराने सन्मानित करण्यात आले. हा पुरस्कार जिल्हाधिकारी कार्यालयातील जिल्हा नियोजन भवनात मंत्री ना. गुलाबराव पाटील यांच्याहस्ते प्रदान करण्यात आला.
या कार्यक्रमात प्रमुख पाहुणे पुणे लोकमतचे संपादक संजय आवटे यांनी मार्गदर्शन केले. या कार्यक्रमाला आमदार राजूमामा भोळे, नाशिक परिक्षेत्राचे पोलीस महानिरीक्षक दत्तात्रय कराळे, जिल्हाधिकारी आयुष प्रसाद, पोलीस अधिक्षक डॉ. महेश्वर रेड्डी आदी उपस्थित होते. या कार्यक्रमात जळगाव जिल्ह्यातील १० पत्रकारांना दर्पणकार पुरस्कार प्रदान करण्यात आले तर इतर पत्रकारांना हेल्मेटचे वितरण करण्यात आले. निलेश पाटील यांनी डिजीटल मीडियात उल्लेखनीय कार्य केल्याने हा पुरस्कार जाहीर करण्यात आला होता.
यावेळी जिल्ह्यातील इतर पत्रकारांनाही पुरस्कार प्रदान
पत्रकार दिनाच्या निमित्ताने महाराष्ट्र राज्य पत्रकार संघ जळगाव जिल्हा शाखेच्या वतीने प्रिंट मीडिया, इलेक्ट्रॉनिक मीडिया, डिजिटल मीडिया व छायाचित्रकार अशा एकूण १० जणांना ‘दर्पणकार’ पुरस्कार जाहीर आले आहेत. यात- प्रिंट मीडियातून चंद्रशेखर जोशी, सुनिल पाटील, सुधाकर जाधव, चेतन साखरे, इलेक्ट्रॉनीक मीडियातून किशोर पाटील, संजय महाजन, विजय वाघमारे, डिजिटल मीडियातून नरेंद्र पाटील, निलेश पाटील आणि छायाचित्रकार सचिन पाटील अशा पत्रकारांना दर्पणकार पुरस्कार देण्यात आला. या कार्यक्रमाला जिल्ह्यातील पत्रकार मोठ्या संख्येने उपस्थित होते.
