जामनेर प्रतिनिधी । तालुक्यातील सोनाळे शिवारातील विजेचे काम करत असतांना तीव्र धक्का लागल्याने वायरमनचा मृत्यू झाल्याची घटना घडली आहे.
याबाबत वृत्त असे की, जामनेर jamner वाकी रोड परिसरात राहणारे राजू प्रकाश पवार (वय अंदाजे ३५) हे पहुर विज वितरण कंपनीत वायरमन म्हणून कार्यरत होते. आज ते त्यांच्या कार्य क्षेत्रातील सोनाळे शिवारात दुपारच्या सुमारास मिळालेल्या माहितीनुसार एरियल टाकण्याचे काम करीत असताना त्यांना विजेच्या प्रवाहाचा जोरात झटका बसल्याने पवार यांचा मृत्यू झाल्याची घटना घडली. या घटनेची माहिती मिळताच संबधीत अधिकारी यांनी घटनास्थळी जावुन पाहणी केली.
