रावेर-लाईव्ह ट्रेंडस न्यूज प्रतिनिधी । रावेर शहरातील बुरहानपूर-अंकलेश्वर महामार्गावर एका महिलेकडून करण्यात आलेले अतिक्रमण अखेर हटवण्यात आले आहे. अमोल जावळे यांच्या समयसुचकतेमुळे आणि पोलिस प्रशासनाच्या मध्यस्थीने हे अतिक्रमण हटवण्यात यश आले. महामार्गाला लागून वाढणारे अतिक्रमण नागरिकांसाठी मोठी अडचण ठरत होते. नागरिकांनी वारंवार तक्रारी करूनही या समस्येचा समाधान होत नव्हता.
अखेर अमोल जावळे यांच्या हस्तक्षेपामुळे या प्रकरणाला वेग आला. नागरिकांनी लोकप्रतिनिधीकडे पाठपुरावा केल्यानंतर जेसीपीच्या सहाय्याने पोलिस प्रशासनाने त्वरीत कारवाई केली. या अतिक्रमणामुळे महामार्गावर वाहतूक कोंडीची समस्या निर्माण होत होती आणि नागरिकांना त्रास सहन करावा लागत होता.
महामार्गाच्या परिसरात अतिक्रमण वाढल्याने नागरिकांच्या दैनंदिन जीवनात अडथळे निर्माण होत होते. पोलिस प्रशासनाने त्वरित कारवाई करत हे अतिक्रमण हटवले. या कारवाईमुळे नागरिकांमध्ये समाधानाचे वातावरण निर्माण झाले आहे. अमोल जावळे यांच्या समयसुचकतेमुळे आणि पोलिस प्रशासनाच्या तत्परतेमुळे हे शक्य झाले, याबद्दल नागरिकांनी त्यांचे आभार मानले आहेत.
