रांची-लाईव्ह ट्रेंडस न्यूज वृत्तसेवा | झारखंड मुक्ती मोर्चाचे नेते हेमंत सोरेन यांनी चौथ्यांदा झारखंडच्या मुख्यमंत्रीपदाची शपथ घेतली. त्यांना आज गुरूवारी राज्यपाल संतोष गंगवार यांनी मोरहाबादी मैदानावर शपथ दिली. या सोहळ्याला इंडिया आघाडीतील १८ दिग्गज नेते उपस्थित होते. यामध्ये राहुल गांधी, पं. बंगालच्या ममता बॅनर्जी आणि सपा प्रमुख अखिलेश यादव आणि तेजस्वी यादव यांचा समावेश आहे.
दुपारी 3 वाजता हेमंत सोरेन त्यांचे वडील शिबू सोरेन यांना हात धरून कार्यक्रमाच्या ठिकाणी घेऊन गेले. शपथ घेण्यापूर्वी हेमंत म्हणाले, ‘आजचा दिवस ऐतिहासिक असेल. आपली एकता हेच आपले सर्वात मोठे शस्त्र आहे. आम्ही विभाजित किंवा संतुष्ट होऊ शकत नाही. आम्ही झारखंडी आहोत आणि झारखंडी झुकत नाहीत.
23 नोव्हेंबर रोजी जाहीर झालेल्या निवडणूक निकालांमध्ये झारखंड मुक्ती मोर्चाच्या नेतृत्वाखाली इंडिया ब्लॉकने ८१ पैकी ५६ जागा जिंकल्या आहेत. यामध्ये झामुमोला ३४ , काँग्रेसला १६, आरजेडीला २ आणि एमएलकडे २ जागा आहेत. मंत्रिपदावरून काँग्रेसमध्ये रस्सीखेच सुरू आहे. याच कारणामुळे मंत्रिमंडळाचा विस्तार लांबणीवर पडला आहे.
