जळगाव-लाईव्ह ट्रेंडस न्यूज प्रतिनिधी । शेअर मार्केटमध्ये गुंतवणूक करत वाढीव मोबदला देण्याचे आमिष दाखवत दोन अज्ञात व्यक्तींनी सिंधी कॉलनीतील उदासी हॉस्पिटलचे डॉक्टरची तब्बल ७ लाख ४७ हजारांची ऑनलाईन फसवणूक केल्याचा प्रकार समोर आले आहे. याप्रकरणी सोमवारी जळगाव सायबर पोलीस ठाण्यात गुन्हा दाखल करण्यात आला आहे.
याबाबत अधिक माहिती अशी की, सिंधी कॉलनीतील डॉ. उदासी हॉस्पिटलमधील डॉ. चंदरलाल प्रभुदास उदासी (७०, रा. सिंधी कॉलनी, जळगाव) यांच्याशी इक्षीत व समीर शर्मा नाव सांगणाऱ्या दोन जणांनी २८ डिसेंबर २०२३ ते ३ फेब्रुवारी २०२४ दरम्यान संपर्क साधला. यात त्यांना ‘ट्रे़डिंग इन्व्हेसमेंट’च्या नावाखाली मोबदला देण्याचे सांगण्यात आले. त्यानुसार डॉ. चंदरलाल उदासी हे गुंतवणूक करत गेले. वेळोवेळी त्यांनी एकुण ७ लाख ४७ हजार रुपये गुंतवूक केली. परंतू त्यांना गुतवणूक केल्याच्या मोबदल्यात कोणतीही रक्कम मिळाली नाही. त्यामुळे आपली फसवणूक झाल्याचे लक्षात आल्याने डॉ. उदासी यांनी सोमवारी ५ फेब्रुवारी रोजी सायंकाळी ५ वाजता जळगाव येथील सायबर पोलिस ठाण्यात फिर्याद दिली. त्यावरून इक्षीत व समीर शर्मा नाव सांगणाऱ्या दोन जणांविरोधात जळगाव सायबर पोलीस ठाण्यात फसवणूकीचा गुन्हा दाखल करण्यात आला आहे. पुढील तपास पोलिस निरीक्षक शिल्पा पाटील करत आहेत.
