डोंबिवली-लाईव्ह ट्रेंडस न्यूज वृत्तसेवा | डोंबिवलीमधून मोठी बातमी समोर आली आहे. केमिकल कंपनीच्या स्फोटाला काही दिवस झाले नाहीत. पुन्हा एकदा डोंबिवलीमधील टंडन रोड येथे गॅसचा स्फोट झाला असून यामध्ये चार जण जखमी झाले आहेत. डोंबिवलीमधील टंडन रोड येथे ही घटना घडली आहे. सिद्धी चायनीज सेंटरमध्ये गॅसचा स्फोट झाला. अग्मिशमन दलाच्या गाड्या घटनास्थळी दाखल झाल्या आहेत. स्फोटाची भीषणता इतकी होती की सर्व दुकान आगीत जळून खाक झालं आहे.
डोंबिवलीमधील केमिकल कंपनीमधील झालेल्या स्फोटाच्या घटनेला अजुन एक आठवडाही झाला नाही. त्या स्फोटानंतर सिद्धी चायनीजमध्ये गॅस सिलेंडरचा स्फोट झाला. नेमका हा स्फोट कसा आणि कशामुळे झाला अद्याप याबाबत कोणतीही माहिती समोर आलेली नाही. मात्र केमिकल कंपनीच्या स्फोटामुळे आधीच नागरिकांच्या मनात भीती बसली आहे. त्यामुळे गॅसच्या स्फोटामुळे नागरिक भीतीचे वातावरण निर्माण झाले होते. अग्निशमन दलाच्या गाड्या घटनास्थळी पोहोचल्या असून आगीवर नियंत्रण मिळवण्याचे काम सुरू आहे.
