अकोला-लाईव्ह ट्रेंडस न्यूज वृत्तसेवा | अकोला जिल्हयातील पातूर तालुक्यात एक भीषण अपघाताची घटना घडली आहे. भरधाव ट्रकने कारला धडक दिल्याने कारमधील (एमएच 30 डीबी 7626) तीन जण गंभीर जखमी झाले आहे. जनावरांचे कुटार वाहून नेणारा ट्रक राँग साईंडने आल्यामुळे समोरुन येत असलेल्या कारला जोराची धडक बसली होती.
ही घटना अकोला-पातूर रस्त्यावर चिखलगावाजवळ दुपारी दोन वाजेच्या सुमारास घडली आहे. या अपघातातील तीन जखमींना तातडीने स्थानिक नागरिकांच्या मदतीने अकोलातील शासकीय रूग्णालयात उपचारासाठी दाखल करण्यात आले आहे. अपघातानंतर ट्रक रस्त्यावर पलटी झाला असून कारचा अक्षरश: चुराडा झाल्याचे दिसून येत आहे. या घटनेची माहिती मिळताच पातुर पोलीस घटनास्थळी दाखल झाले होते.
