भुसावळ-लाईव्ह ट्रेंडस न्यूज प्रतिनिधी । भुसावळ शहरातील तापी नदी पात्रात एका अनोळखी ६५ ते ७० वर्षीय वृध्दाचा मृतदेह पाण्यात तरंतांना आढळून आल्याची घटना शुक्रवारी २८ फेब्रुवारी रोजी सकाळी ११ वाजता समोर आली आहे. याप्रकरणी दुपारी २ वाजता भुसावळ शहर पोलीस ठाण्यात अकस्मात मृत्यूची नोंद करण्यात आली आहे.
याबाबत अधिक माहिती अशी की, भुसावळ शहरातील तापी नदीच्या काठाजवळील पाण्यात एका ६० ते ६५ वर्षीय वृध्द व्यक्तीचा मृतदेह पाण्यात तरंगतांना आढळून आला. ही घटना शुक्रवारी २८ फेब्रुवारी रोजी सकाळी ११ वाजता उघडकीला आली. या घटनेची माहिती मिळाल्यानंतर भुसावळ शहर पोलीसांनी घटनास्थळी धाव घेवून मृतदेह पाण्यातून बाहेर काढला. त्यानंतर पंचनामा करून मृतदेह भुसावळ ट्रामा केअर सेंटर येथे दाखल करण्यात आले. मयताची ओळख पटवावी असे आवाहन भुसावळ शहर पोलीसांनी आवाहन केले आहे. याबाबत पोलीस ठाण्यात अकस्मात मृत्यूची नोंद करण्यात आली आहे. पुढील तपास सहाय्यक पोलीस निरीक्षक राहूल भंडारे हे करीत आहे.
