भुसावळ लाईव्ह ट्रेंडस न्यूज प्रतिनिधी । भुसावळ तालुक्यातील एका शेतात अंदाजे ३० वर्षीय अनोळखी तरूणाचा कुजलेल्या स्थितीत मृतदेह आढळून आल्याने खळबळ उडाल्याची घटना उघडकीला आले आहे. याप्रकरणी भुसावळ तालुका पोलीस ठाण्यात अकस्मात मृत्यूची नोंद करण्यात आली असून मयतची ओळख पटविण्याचे आवाहन करण्यात आले आहे.
भुसावळ तालुक्यातील कन्हाळे शिवारातील बाळू नामदेव भोळे यांच्या शेताच्या शेजारी एका अनोळखी अंदाजे ३० वर्षीय तरूणाचा कुजलेल्या स्थितीत मृतदेह आढळून आला. या घटनेची माहिती भुसावळ तालुका पोलीसांना मिळाली. त्यानुसार पोलीस पथक घटनास्थळी दाखल झाले. त्यांनी मृतदेहाचा पंचनामा केला. दरम्यान मयतीची ओळख पटेल अशी कोणतीही माहिती मिळाली नाही. त्यानुसार पोलीसांनी पंचनामा करून मृतदेह भुसावळातील ट्रामा केअर सेंटर येथे रवाना केला. याप्रकरणी भुसावळ तालुका पोलीस ठाण्यात अकस्मात मृत्यूची नोंद करण्यात आली. पुढील तपास पोलीस उपनिरीक्षक मंगेश दराडे हे करीत आहे.
