एप्रिल व मे महिन्याचा जिल्हा व विभागस्तरीय लोकशाही दिन रद्द

जळगाव – जनतेची गाऱ्हाणी व तक्रारी सोडविण्यासाठी दर महिन्याच्या पहिल्या सोमवारी जिल्हास्तरावर तर दुसऱ्या सोमवारी विभागीय स्तरावर लोकशाही दिनाचे आयोजन करण्यात येते. भारत निवडणूक आयोगाने लोकसभा सार्वत्रिक निवडणूक-2019 चा कार्यक्रम जाहिर केला आहे. त्यानुसार 10 मार्च, 2019 पासून देशभर निवडणूक आचारसंहिता लागू झालेली आहे. आचारसंहिता कालावधीत लोकशाही दिनाचे आयोजन करण्यात येवू नये असे निर्देश आहेत. त्यामुळे एप्रिल व मे महिन्यात पहिल्या सोमवारी होणारा जिल्हास्तरीय तर दुसऱ्या सोमवारी होणारा विभागीय स्तरावरील लोकशाही दिन कार्यक्रम रद्द करण्यात आला आहे. असे जिल्हाधिकारी डॉ. अविनाश ढाकणे यांनी एका प्रसिध्दी पत्रकाव्दारे कळविले आहे.