यावल – लाईव्ह ट्रेंडस न्यूज प्रतिनिधी । गेल्या तीन वर्षांपासून प्रलंबित असलेल्या बसस्थानकाच्या नवीन इमारतीचे काम सुरू करण्यात यावे व प्रवाशांच्या विविध समस्यांबाबत यावल शहर शिवसेना (ठाकरे) शहरप्रमुख तथा प्रवासी संघटनेचे तालुकाध्यक्ष जगदीश कवडीवाले यांच्यासह इतर महत्त्वाच्या पदाधिकाऱ्यांनी यावल एसटी आगर प्रमुख डी.बी.महाजन यांची भेट घेऊन प्रवासाच्या विविध समस्या आणि नवीन लांब पल्ल्याच्या बसेसबाबत चर्चा करून सुरू करण्याची विनंती केली.
जळगाव जिल्ह्यातील जवळपास सर्व बसस्थानकांच्या ईमारतींचे नुतनीकरण करण्यात आले असुन मात्र नासिक विभागात उत्पन्नाच्या श्रेणीत कायम अग्रस्थानी असणाऱ्या यावलच्या बस स्थानकाचे कायापालट कधी होणार व यावल आगारातुन यावल ते कोल्हापुर, यावल ते इन्दौर( मध्य प्रदेश ) यांच्यासह आदी लांब पल्याच्या एसटी बसेस सुरू करण्यात याव्यात तसेच प्रवाशांच्या हिताच्या दृष्टीने यावल ते पुणे ही दुपारी चार वाजता सुटणारी बस ही सायंकाळी ७ वाजता नियमित सोडण्यात यावी अशा विविध प्रवासी समस्यांबाबत यावलचे नुकतेच रूजु झालेले एसटी आगाराचे व्यवस्थापक डी. बी. महाजन यांची भेट जगदीश कवडीवाले व शरद कोळी यांच्यासह संतोष धोबी, पप्पु जोशी, युवा सेनेचे सारंग बेहडे आदी कार्यकर्त्यांच्या शिष्टमंडळाने भेट घेवुन प्रवासी समस्यांबाबत सविस्तर चर्चा केली.
या विषयावर आगार व्यवस्थापक डी बी महाजन यांनी सकारात्मक प्रतिसाद दिला असुन शिष्टमंडळाशी बोलतांना महाजन यांनी सांगीतले की, यावल आगारास येत्या डिसेंबर महीन्यात काही नविन बसेस येणार असुन त्या आगारात दाखल झाल्यावर आपण मागणीनुसार लांबपल्याच्या शेडुअल साठी बसेस सुरू करणार असल्याचे सांगीतले. प्रवासांच्या समस्यांसाठी आपण आपल्या सोबत असल्याचे ही त्यांनी पदाधिकाऱ्यांशी वार्तालाप करतांना सांगीतले तसेच लवकरात लवकर यावल एसटी बसस्थानकाच्या नविन ईमारतीच्या कामास मंजुरी मिळावी याचा आपण देखील पाठपुरावा करणार असल्याचे त्यांनी यावेळी सांगीतले.
