धरणगाव – लाईव्ह ट्रेंड्स न्यूज प्रतिनिधी | शेतात फवारणी करतांना विषबाधा झालेल्या धरणगाव तालुक्यातील पष्टाने येथील शेतकऱ्याचा जिल्हा शायकीय वैद्यकीय महाविद्यालयात उपचारादरम्यान मृत्यू झाल्याची घटना मंगळवारी ११ जून रोजी रात्री ८ वाजता घडली. याप्रकरणी बुधवारी १२ जून रोजी दुपारी १ वाजता धरणगाव पोलीसात अकस्मात मृत्यूची नोंद करण्यात आली. भाऊसाहेब मधुकर जाधव वय ४८ रा. पष्टाने ता. धरणगाव असे मयत झालेल्या शेतकऱ्याचे नाव आहे.
याबाबत अधिक माहिती अशी की, भाऊसाहेब मधुकर जाधव हे आपल्या कुटुंबासह वास्तव्याला होते. शेतीचे काम करून ते आपला उदरनिर्वाह करत होते. दरम्यान, मंगळवारी ११ जून रोजी दुपारी ते दिवसभर शेतात फवारणीचे काम करत होते. त्यावेळी त्यांना विषबाधा झाल्याने त्यांना तातडीने जळगाव येथील शासकीय वैद्यकीय महाविद्यालयात उपचारार्थ दाखल करण्यात आले होते. त्यांच्यावर उपचार सुरू असतांना रात्री ८ वाजता त्यांचा मृत्यू झाला. यावेळी नातेवाईकांनी एकच आक्रोश केला होता. या प्रकरणी बुधवारी १२ जून रोजी दुपारी १ वाजता धरणगाव पोलीस ठाण्यात अकस्मात मृत्यूची नोंद करण्यात आली. पुढील तपास पोहेकॉ प्रदीप पवार हे करीत आहे.
