जळगाव (प्रतिनिधी) तालुक्यातील वाकडी येथील एका 55 वर्षीय वृद्धाचा आज सकाळी हृदयविकाराच्या तीव्र झटक्याने निधन झालेय. याबाबत एमआयडीसी पोलिसांत अकस्मात मृत्यूची नोंद करण्यात आली आहे.
पोलिसांकडून मिळालेल्या माहितीनुसार राजु धर्मा पाटील (वय 55 रा. वाकडी) यांना आज सकाळी साडेदहा वाजेच्या सुमारास घरी निवांत बसलेले असतांना हृदयविकाराचा झटका आला. या झटक्यात त्यांचा जागीच मृत्यू झाला. त्यांच्या पश्चात दोन मुले, मुलगी, पत्नी, सुना, नातवंडे असा परिवार आहे. ते जळगाव पंचायत समिती ग्रामसेवक बबन राजू पाटील यांचे वडील होते. त्या घटनेबाबत एमआयडीसी पोलिसांत अकस्मात मृत्यूची नोंद करण्यात आली आहे.
