यावल-लाईव्ह ट्रेंडस न्यूज प्रतिनिधी | यावल तालुक्यातील सर्व धान्य मिळवणाऱ्या लाभार्थ्यांना स्वस्त धान्य दुकानदारांकड्डन शासनाने ठरवुन दिलेल्या धान्यातुन दोन ते तीन किलो धान्य कमी दिले जात असुन, तालुक्यातुन लाभार्थ्यांना धान्य कमी दिले जात असल्याने या मागे मोठा रेशनिंग घोटाळा तर नाही ना प्रश्न देखील या वेळी मोर्चा प्रसंगी उपस्थितांनी केला आहे. याशिवाय संतप्त झालेल्या लाभार्थ्यांनी शिधापत्रिकांच्या प्रश्नासाठी प्रशासनाकडे वारंवार लेखी तक्रार केल्यावर देखील तहसीलदार यांच्या कडून आजपर्यंत कुठलीही कारवाई करण्यात आलेली नसल्याने राष्ट्रवादी काँग्रेस अजित पवार गटाच्या वतीने राष्ट्रवादी जिल्हा उपाध्यक्ष जुगल पाटील, युवकचे यावल तालुका अध्यक्ष आकाश फेगडे, युवक राष्ट्रवादी कॉंग्रेसचे यावल शहराध्यक्ष योगेश पाटील यांच्यासह लाभार्थ्यांनी तहसील कार्यालयावर मोर्चा काढून तहसीलदार मोहनमाला नाझीरकर यांना स्वस्त धान्य दुकानदारांकडून होणाऱ्या धान्य वाटप संदर्भात तक्रार निवेदन दिले.
या निवेदनात म्हटले आहे की यावल तहसील कार्यालयाने आय.एस. ओ. कार्यालयाप्रमाणे दलालमुक्त शिधावाटप मोहीम राबवावी यासह पुरवठा विभागाच्या अंतर्गत येणाऱ्या सुमारे ११ विविध मागण्यांचे निवेदन दिले यावेळी तहसीलदार यांनी ताभार्थ्यांचे तक्रारींची सविस्तर माहिती घेत आपण या मागण्यांचा योग्यरित्या पाठपुरावा करू असे आश्वासन शिधापत्रिका धारक महीलांना व राष्ट्रवादी कॉंग्रेस पक्षाचे पदाधिकारी यांना दिलेत ,याप्रसंगी यावल तहसीलचे निवासी नायब तहसीलदार संतोष विनंते व आदि अधिकारी उपस्थित होते .मोर्चात शिधापत्रीकेवर धान्य मिळवणाऱ्या महीला लाभार्थी उपस्थित होत्या .
