यावल-लाईव्ह ट्रेंडस न्यूज प्रतिनिधी । यावल येथील एकात्मिक आदीवासी प्रकल्प विकास कार्यालय यावलच्या वतीने जागतिक आदिवासी दिना निमित्त जिल्हाधिकारी आयुष प्रसाद, आमदार शिरीष चौधरी, प्रांत अधिकारी बबनराव काकडे ,तहसीलदार मोहनमाला नाझीरकर, गटविकास अधिकारी डॉ.मंजुश्री गायकवाड, व आदिवासी समाजाचे मान्यवरांच्या उपस्थित विविध कार्यक्रमाचे आयोजन करण्यात आले.
यावेळी आदिवासी बांधवांचा जिल्हाधिकारी आयुष प्रसाद यांच्याहस्ते सत्कार करण्यात आला. आदिवासी आश्रमशाळेतील उल्लेखनिय कार्य करणाऱ्या पुरस्कार विजेते शिक्षक व शालांत परिक्षेतील गुणवंत विद्यार्थी यांना प्रशस्तीपत्र देवुन सन्मानित करण्यात आले व तसेच आदिवासी समाजसेवी व समाज बांधवांना विविध दाखले वितरित करण्यात आलीत. कार्यक्रमाचे प्रस्ताविक प्रकल्प अधिकारी अरूण पवार यांनी केले. दरम्यान संततधार पावसाच्या वातावरणार संपन्न झालेल्या कार्यक्रमास यावल, चोपडा, रावेर या परिसरातील आदिवासी बांधव मोठया संख्येत उपस्थित होते.
