जळगाव-लाईव्ह ट्रेंडस न्यूज प्रतिनिधी | शिवसेना-उध्दव बाळासाहेब ठाकरे पक्षाच्या आज जाहीर झालेल्या यादीत जळगाव शहर व चोपडा या दोन मतदारसंघातील उमेदवारांची नावे घोषीत करण्यात आली आहेत.
शिवसेना-उबाठा पक्षाने याआधी चाळीसगावातून माजी खासदार उन्मेष पाटील तर पाचोऱ्यातून वैशालीताई सुर्यवंशी यांना उमेदवारी जाहीर केली होती. यानंतर जळगावात माजी महापौर जयश्रीताई महाजन यांना पक्षाने एबी फॉर्म देऊन कामाला लागण्याचे निर्देश दिले होते. तर चोपडा येथून नेमके कोण लढणार याबाबत तिढा सुरू होता.
या पार्श्वभूमिवर, आज शिवसेना-उबाठा पक्षाने उमेदवारांची यादी जाहीर केली असून यात जळगाव शहर मतदारसंघातून जयश्रीताई सुनील महाजन तर चोपडा मतदारसंघातून राजू तडवी यांना उमेदवारी जाहीर करण्यात आली आहे. यामुळे आता महाविकास आघाडीचे आता एरंडोल, अमळनेर व भुसावळ या जागांवरील उमेदवारीचा सस्पेन्स अद्याप कायम असल्याचा दिसून येत आहे.
