भडगाव-लाईव्ह ट्रेंडस न्यूज प्रतिनिधी | आगामी कृषी उत्पन्न बाजार समितीत भारतीय जनता पक्षाने स्वबळावर लढण्याचा निर्धार केला असून पक्षाचे नेते अमोल शिंदे यांनी याबाबत आज भूमिका स्पष्ट केली आहे.
दि.२८ एप्रिल २०२३ शुक्रवार रोजी होणार्‍या पाचोरा-भडगाव कृषी उत्पन्न बाजार समितीची निवडणुक भारतीय जनता पार्टीच्या वतीने संपूर्णपणे स्वबळावर लढवली जाणार असुन भाजपाच्या वतीने या निवडणुकीसाठी बहुसंख्य उमेदवारांनी नामनिर्देशन दाखल केले आहेत. या निवडणुकीत भारतीय जनता पार्टी सोबत काही समविचारी उमेदवार निवडणूक लढणार आहे.ही निवडणूक भाजपा तालुकाध्यक्ष अमोलभाऊ शिंदे यांच्या मार्गदर्शनाखाली व कृषी उत्पन्न बाजार समितीचे माजी सभापती सतीशबापु शिंदे यांच्या नेतृत्वाखाली लढवली जाणार असून या निवडणुकीच्या निमित्ताने उमेदवारी अर्ज दाखल केलेल्या उमेदवारांनी व भारतीय जनता पार्टीच्या कार्यकर्त्यांनी मतदारांशी आपला स्वतंत्र संपर्क सुरू केलेला आहे.
या संदर्भात आज भाजपचे तालुकाध्यक्ष अमोल शिंदे यांनी भूमिका स्पष्ट केली आहे. यात त्यांनी आपण ही निवडणूक स्वबळावर लढणार आहोत. तरी आमदारांनी केलेल्या कुठल्याही प्रकारच्या अफवांना मतदारांनी व कार्यकर्त्यांनी बळी पडु नये. तसेच भाजपा पाचोरा व भडगांव तालुक्यातील पदाधिकारी व कार्यकर्ते एकसंघ असुन या निवडणुकीसाठी ताकदीने कामाला लागले आहे.असे अमोल शिंदे यांनी प्रसिध्दीस दिलेल्या पत्रकात म्हटले आहे. आमदारांच्या पायाखालची वाळू सरकल्यामुळे आमदार दुसर्‍या पक्षांचे प्रवक्तेपद बळजबरीने उसने भाड्याने घेतल्यासारखे पत्रकार परिषदा घेत फिरत आहेत.त्यांची स्वबळावर निवडणुका लढवण्याची ताकत पूर्णपणे खचली असल्याणे आमदारांना व त्याच्या उर्वरित उमेदवारांना कुठलाही आत्मविश्वास उरलेला दिसत नाही असे त्यांनी नमूद केले आहे.
दरम्यान, भाजपचे भडगाव तालुकाध्यक्ष अमोल पाटील यांनी देखील आमदारांवर टिका केली आहे. ज्या आमदारांना पूर्वी भाजपा नकोशी होती. भाजपाच्या नावाने आतापर्यंत ते आकांड तांडव करत होते.भाजपा कार्यकर्त्यांना चुकीच्या पद्धतीने त्रास देत होते.त्यांना आज अचानक भाजपाची गरज का पडतेय ? त्यांना भाजपाची आठवण येण्याची उपरती का झाली ? असे प्रश्न यावेळी भाजपाचे भडगाव तालुकाध्यक्ष अमोल पाटील यांनी प्रसिध्दी पत्रकात उपस्थित केले आहे.
दरम्यान, २० तारखेला माघारी नंतर भाजपा व समविचारी उमेदवारांच्या प्रचारांत भारतीय जनता पार्टीचे पाचोरा व भडगाव तालुक्यातील सर्व कार्यकर्ते पूर्णपणे स्वतःला झोकून देऊन काम करतील असे शहराध्यक्ष रमेश वाणी यांनी प्रसिध्दी पत्रकात म्हटले आहे. तसेच आमदारांनी मेळाव्यात व पत्रकार परिषदेत केलेल्या आरोपांना योग्यत्या ठिकाणी पुराव्या निशी उत्तर देऊन त्यांचा खरा चेहरा मतदारांसमोर उघडा करू.असे तालुकाध्यक्ष अमोल शिंदे व भडगाव तालुकाध्यक्ष अमोल पाटील यांनी सदर पत्रकात म्हटले आहे.
